Akcentige *kun difinoj*!
Jen mi plikapabligis la akcentigilon. Nun, krom noti surstreke akcentojn, ĝi donas plenan solan HTMLon kun vortaraj difinoj. Ĝi postulas "javascript", sed permesas konservi la kreitajn dosierojn en disko por posta uzo.
Al mi kontentige funkcias la rezulto en Opera, kaj pli malpli en Mozillaj kroziloj (Fajrovulpinoj kaj amikoj). En Explorer, laŭ mia scio, la aperigo de la vortaraj difinoj NENIOM funkcias.
Se iu povas proponi taŭgan "javascript"-an kodon por Microsoft Explorer aŭ por Mozilla (meti kadrojn en pli helpan lokon), mi dankos. Kontrolu la kodon komence de la HTMLaj rezultoj.
Mi kontentas jam per tiu ĉi programo, kaj ne planas aldoni kapablojn al ĝi. De antaŭ longe mi pensis tian ilon, sed ne realigis. Ĉu pro pigremo, ĉu pro manko de ideoj krei ĝin.
Ĝi rulas en Pentium II komputilo... kaj iom penas iom konstrui la HTMLaĵojn. Fontokodon plenan mi baldaŭ ie publikigos; mi uzis nur liberajn simplajn ilojn (C kompililo kun kodotekoj ICU), kaj ankaŭ (ŝajne) liberajn vortarojn.
Bonvolu atentigi min pri programaj eraroj. Antaŭdankon!
![[info]](http://p-stat.livejournal.com/img/userinfo.gif){kind=small}
viric) wrote,
