Telepatie kun epingvin ni pensis pri programo por helpi al skribo de teksto el voĉa registraĵo. Certe, por GNU/Linukso aŭ tia sistemo.

Mi havis ideon skribi programon, kiu utilos kiel simpla programo por voki funkciojn de rulanta mplayer aŭ mpg321. Ili havas specialan funkcion por ke oni skribu por ili front-ends. Mi do skribus front-end tre simplan, kiun mi povos ligi al klavoj.

Fine mi elpensis pli ĝeneralan programon. Programo, kiu permesos kunuzi la standartan eniron (stdin) de programo; ne nur tra ties terminalo, sed ankaŭ per programvoko. Tiel mi skribis kaj publikigis stdin mixer.

Per ĝi, mi povas ruligi mplayer tiel:

stdinmix mplayer -slave miadosiero.mp3

De tiu voko, mi povas en ajna alia terminalo skribi tekston al stdin de mplayer. Mi havas agordon kiu ligas (per xbindkeys) klavon F1 al voko:

echo pause | stdinmix

Kaj simile por F2 por reirigi malantaŭen 4-sekundojn la registraĵon. Eblas tute analogie fari la samon por mpg321.

Iam mi penis transskribi tekstojn de kantoj per rapida pena ŝanĝo de konzolo, bremsante kiom eble mpg321. Nun mi ĝojas havi pli komfortan sistemon!

La Flugantaj Objektoj Ne Konataj - kia trompo!

Nova libro hispana kiu klarigas, per konfesoj de komplicoj, mensogojn famajn pri tiuj FONK (aŭ kiel ajn oni tion nomas esperante).

Ekzemple, li rakontas pri la kazo de la Rosewell filmo pri eksterterana nekropsio; li eksplikas kiel antaŭ unu jaro unu el la filmproduktantoj sin konfesis pretiginto de tiu trompo, je la 1995a jaro, en Britio.

Mi aŭdis pri tio ĉi en radioelsendo, kaj la verkisto tie komentis aliajn interesajn trompojn de famaj kazoj.

ISBN (13): 978-84-934862-1-1
ISBN (10): 84-934862-1-3

Interese - iam mi tion donacu al mia patrino, kiu fide tre ŝatas eksterteranajn misterojn.

Mi fojoje iras al interreto per simpla telefona modemo, kiam mi situas en mia gepatrejo. Mi instalis ziproxy en nia rapidkonekta servilo, kaj espereble tio faciligos mian interretan krozadon tra modemo.

Cetere, en freshmeat aperis interesa artikolo pri konzola retpoŝtilo sup.